Todas as mañás saía da miña casa para observar as nubes. O meu soño era bailar con elas algún día. A miña mamá dicía que me esquecese desa idea, que só os paxaros lograban tocalas. Pero eu insistía... A través do soño dunha nena que desexa bailar coas nubes, este libro reflexiona sobre a importancia do intercambio cultural e o respecto entre persoas de diferentes procedencias. As súas páxinas, nas que se aprecia unha presenza constante do folclore latinoamericano, contan a historia dun pobo que vai crecendo co paso do tempo, con novos habitantes que constrúen os seus fogares e comparten experiencias colectivamente.
