Competición de Campo a Través

O mes de decembro é un mes cheo de actividades no noso colexio. Unha das máis "tradicionais" xa é esta competición que vimos celebrando cada ano e que segue as directrices do Programa XOGADE da Xunta de Galicia, onde participan numerosos nenos e nenas de escolas da contorna e veñen gozar connosco desta xornada lúdica e deportiva. Como non podía ser doutro xeito, queremos dar as grazas aos mestres e ao alumnado do CEIP de Teixeiro, do CEIP da Ponte Carreira, e da SDC de Teixeiro e convidalos para próximas edicións. Por último só nos queda felicitar a todos os nenos e nenas participantes pola súa deportividade e polo seu esforzo.
Ata a próxima!