2018-01-31

Vísteme de versos (infantil + 3º e 4º)


A clase dos nenos e nenas de infantil inauguraron o seu particular Vísteme de versos cunha actuación baseada nun poema de Antonio García Teijeiro titulado Bicos como balas. A interpretación foi acompañada coa música de Cé Orquestra Pantasma, concretamente co tema Que ricos os bicos do disco Fillos do querer. Bailamos, bicámonos, abrazámonos e fixemos o noso chamamento especial á paz e á concordia. Foi xenial!
























Logo da magnífica actuación das nosas minchiñas, os nenos e nenas de terceiro e cuarto puxéronse máis serios e interpretáronnos con moito sentimento unha dura historia de guerra: Madre, anoche en las trincheras. Unha terrible historia real dun soldado descoñecido que durante a Guerra Civil Española (1936-1939) lle envía unha carta a súa nai contándolle un triste episodio nunha batalla. A nai do soldado nunca recibirá a carta e pérdese a pista do autor da misiva. A bela interpretación foi acompañada por unha canción que converteu esta actuación nun momento inesquecible. Noraboa!



























No hay comentarios:

Publicar un comentario